Jólasveinanöfnin

		Jólasveinn Jólasveinn er samsett tákn: Halda um hökkuna og draga niður, fingur renna saman til að mynda skegg. Halda á jólasveinapoka yfir öxlina.
Jólasveinanöfnin sem birtast hér eru búin til fyrir þennan vef af vefstjóra og Eyrúnu Gísladóttur og enn á eftir að fá staðfest að þetta séu þau tákn sem notuð eru almennt. En hér er hægt að sjá hvernig búin eru til lýsandi tákn á auðveldan hátt. Ég set inn í skýringarnar táknin/orðin sem notast er við með gulum stöfum og feitletrað.
		Stekkjarstaur Fannst best að sjúga ærnar en var með staurfætur svo það gekk heldur erfiðlega. Ganga með stífum fingrum yfir lófann.
		Giljagaur Hafði yndi af mjólkurfroðunni og hélt sig mest í fjósinu. Læðast áfram með höndunum, axlir upp.
		Stúfur Var lítill og snaggaralegur og fannst dásamlegt að kroppa leifarnar af pönnunum. Sérstaklega ef þær voru vel viðbrenndar. Eins klappa á kollinn á barni.
		Þvörusleikir Mjór eins og girðingarstaur og þótti ekkert betra en að sleikja þvörur sem notaðar voru til að hræra í pottum. Sleikja þumafingur (sleifina) svipað og ís
		Pottaskefill Hirti óhreinu pottana úr eldhúsinu og skóf þá að innan með puttunum. Þeir þurftu engan þvott eftir þá meðferð. Táknið er samsett úr: Grípa um handföngin til að halda á potti Strjúka innan úr potti til að ná í innihaldið.
		Askasleikir Stal öskum fólksins, faldi sig með þá og skilaði ekki aftur fyrr en þeir voru tómir. Táknið er samsett úr: Grípa um handföngin til að halda á potti Halda undir askinn og sleikja innan úr honum (heitt) Ætlunin er að finna annað tákn en pott sem fyrra táknið.
		Hurðaskellir Fannst ekkert skemmtilegra en að skella hurðum og notaði til þess hvert tækifæri sem gafst. Opna hurð og skella aftur.
		Skyrgámur Ægilegur rumur sem þefaði uppi skyrtunnurnar og át þar til hann stóð á blístri. Táknið er samsett: Hræra skyrið. og borða það.
		Bjúgnakrækir Fimur við að klifra uppi í rjáfri og stal þar reyktum hrossabjúgum. Táknið er samsett: Bjúga er löng og mjó eins og pylsa Krækja í (stela) bjúguna
		Gluggagægir Gægðist inn um hvern glugga til að reyna að koma auga á eitthvað sem hann gæti hnuplað. Táknið er samsett: Teikna útlínur glugga kíkja á gluggann, hendi á ennið (muna) til að skýla birtunni.
		Gáttaþefur Með sitt heljarstóra nef gat hann fundið lykt af nýsteiktu brauði langar leiðir og runnið þannig á sinn uppáhaldsmat, laufabrauð. Benda á nefið, þefa (salerni)
		Ketkrókur Stakk löngum stjaka með króki á niður um strompana til að krækja í kjötlærin sem héngu í eldhúsloftinu. Táknið er samsett: klípa utan um lófann (kjöt) Krækja í (sækja) kjötið
		Kertasníkir Þótti góð tólgarkerti og átti í miklu sálarstríði af því hann gat ekki bæði horft á fallegan logann af þeim og borðað þau. Táknið er samsett: Kertið er myndað neðan frá og upp. rétta fram höndina og beygja að sér, eins og verið sé að taka til sín eitthvað sem maður vill eiga.
Teikningar af jólasveinunum: © Ólafur Pétursson . Birt með leyfi höfundar
Foreldrar jólasveinnanna eru:
		Grýla Mynda útlínur langa bogna nefsins hennar Grýlu með vísifingri.
		Leppalúði Táknið er samsett - maður + Grýlu: Grípa um derið á hattinum hjá manninum og draga fram Mynda útlínur langa bogna nefsins hennar Grýlu með vísifingri.